Friday, November 11, 2011

Jeepney Press 2011 November-December Issue Page 22



KANSAI CRUSADE
by Sally Cristobal-Takashima

Nandito na tayo sa pang-anim na pasada ng Jeepney Press sa taong 2011. Malamig na ang simoy ng hangin. Panahon ng ilabas ang mga long sleeved clothes, warm socks at siempre pa ang mga jackets and mufflers. Napakabilis ng
takbo ng panahon. Mga kababayan sa Japan: o-kawari nai desu ka?

Kung panay ang hagupit ng bagyo sa Pilipinas, malaking biyaya na tayo ay malayo sa sakuna. But, our hearts go to the people, especially Bulacan and Pampanga who are still recovering from the damages of typhoons Pedring and Quiel. Maraming nasirang palayan, nasuspinde ang mga klase sa paaralan at isinagawa ang pangsapilitang pagpapaalis ng mga tao sa kanilang tirahan at sila ay nasa evacuation centers ngayon. Nawalan ng kuryente at malinis na tubig at ang ibang mga tao ay nanghuhuli na lang ng mga palaka, ahas at pagong para may makain. Malayo ang karamihang tao sa ospital at walang sapat na gamot para sa may sakit. Tunay na napaka seryosong problema ng gobyerno ang mga pinsala ng bagyo na umabot sa humigit kumulang na 14 bilyong dolyares. Paano na nga ba aasenso ang ating bansa? Is this why Darwin said “Survival is for the fittest.”?

You must have read articles in the newspapers that the world may be coming to an “end” lalo na kung sunod sunod ang nangyayaring natural disasters kagaya ng lindol, baha, tsunami, pagguho ng bundok at ang mabilis ng pagtunaw ng yelo sa Antartica and the rising of sea level.

Naiulat din sa media na posibleng lumubog ang ilang isla sa Asya. Huwag sanang mangyari! God Bless the Philippines! It is interesting to know that available maps sa Internet called “Possible New Maps of the World” shows what the world would be like after a deluge or dilubyo. Ang mga mapa ni
Gordon Michael ay ipinakikita ang mga safe and habitable areas sa iba’t
ibang parte ng mundo.

But, how safe are we really in Japan? Tunay ba tayong malayo sa sakuna dahil sa radiation. Katotohanan kaya ang lahat ng iniuulat sa mga
pahayagan tungkol sa resulta ng mga radiation test. Ano naman po kaya ang tunay na kalidad ng mga pagkain natin ngayon sa Japan?

Mabalik po tayo sa nakaraang bagyong Pedring at Quiel. Para po sa mga gustong tumulong sa mga taong nasalanta ng bagyo, kung maaari po lamang ay makipag-ugnay sa Philippine National Red Cross. Please email fundgeneration@ redcross.org.ph Ang kasalukuyang Chairman ng PRC and Chief Executive Officer (CEO) ay si Richard J. Gordon. Isa din po siyang
myembro ng ating Senado. Those who want to donate in peso currency may do so through Metro Bank, Account Number 151-3-04163-1228 or at Philippine
National Bank, Account Number 3752-8350-0034 and at Bank of Philippine Island, Account Number 4991-0036-52.

For Japan based Filipinos who want to do short term volunteer work with the Philippine Red Cross while visiting the Philipppines, puede po kayong tumulong. Mag email po sa volunteer@ redcross.org.ph at least one month before your arrival in Manila.

I was in Manila recently and while shopping sa supermarkets ay nag-comparative shopping na din ako at nag-usisa tungkol sa mga “bagong” food items. Rustan’s Shopwise Supermarket imports/sells tasty, fresh salmon heads from Norway. Ideal for Fish Sinigang an ideal source of collagen and fish oil. Also Silky Tofu (Kinu) and Momen Tofu is always available and is stacked near the Pandan and Lemon Grass Section. “Red” salted eggs are bigger and tastier at the Robinson Supermarket. Next to the cans of Coconut
Cream now available. Great for desserts and mas masarap than Coconut Milk. Giron Foods, Inc. has come up with powdered 100% ube called Purple Yam. It comes in a 120g box and you just need to soak the ube
powder in water and it’s ready for cooking. The 2 recipes are on the box for
you to try and enjoy.

Makati Landmark’s Via Mare serves great tasting Crispi Pata for about 600 pesos. Good for 2 persons but you pay extra for rice salad and drink. The sizes of the sandwiches at Seattle’s Coffee (NAIA 3), where I often go before almost boarding time, has shrunk due to cost cutting.

Another exciting new find is the TOKI Fusion Dining in Taguig, a classy Japanese resto owned by a Tokyo based Japanese. Social dito and many known celebs have dined and wined here. Among them were Imelda
Marcos, the Aquino Sisters, Noli de Castro, Manny and Jinkee Pacquiao nado nado. Lunch items costs from 500 pesos for a Teishoku. Dinner is pricier but the Sashimi, Tempura and Miso Shiro taste like the ones served
in Japan. When my husband and I took my brother for lunch at TOKI, it was 11:00 a.m. but the place filled up fast by noon. I recommend TOKI to everyone who likes to eat honkaku tekina Nihon ryori. It is a walking distance from the newly opened and famous St. Luke’s Hospital.

Last but not least, many Kansai based Filipinos mourn the passing of Amelia Iriarte Kohno (1943-2011) of Tacloban Leyte and a resident of Kyoto. She was a dedicated community leader, a friend, volunteer worker,
women’s rights advocate, language interpreter, chess player, writer and a loving mother and grandmother. Your zest for life, willingness to extend a helping hand to those in need, your generosity in sharing your time and knowledge, your courage in the face of adversity, your smile inspite of the pain caused by your long illness, your love for your family have all been an inspiration to all of us. We will never forget you. Rest in peace now.

To all the kababayans spending the holiday season in the Philippines, enjoy po and take care. Merry Christmas and a Happy New Year to you and your loved ones. See you all in 2012!

Thank you from Jeepney Press!
----------------------------

KANSHA AL KANSHA
by Ping-Ku

Mariwasang Pamumuhay: Kaya Ba?

Binabati po namin ang mga tagatangkilik ng Jeepney Press ng Maligayang Pasko at Manigong Bagong Taon! Nawa’y maging maligaya at masagana para sa ating lahat ang 2012!

Kada-365 na araw ay may panibagong taon at pangkaraniwan na napapaisip tayo ng mga paraan upang mapabuti ang ating kabuhayan. Kung meron lang kurso na nagtuturo kung paano makamit ang matiwasay na kabuhayan, siguradong lahat tayo ay mag-aaplay. Maraming nag-aaral ngayon ng “Positive Psychology” upang mabuo ang teorya ng kariwasahan or “theory of well-being” na naglalayong suriin ang mga sanhi at pamamaraan ng mariwasang pamumuhay. Binasa ko ang librong “Flourish” (2011) ni G. Martin F. P. Seligman, ang taong nagpasimula ng positive psychology sa University of Pennsylvania at nais kong ibahagi sa inyo ang aking natutunan mula sa bagong libro ni Seligman:

Kasiyahan vs. Kariwasahan

Ang praktis ng positive psychology ay di lang para makamit ang kasiyahan sa buhay or life satisfaction ngunit para ma-maximize or mapabuti ang lahat ng haligi ng kariwasahan or well-being. Ang team ni Seligman ay nag-collaborate sa mga researcher sa Cambridge at gumawa sila ng surbey upang masukat ang kariwasahan. (Ang talaan sa baba ay isinalin mula kay Seligman, 2011, p. 27.)

Positibong damdamin (Positive emotion)

Masaya ka ba sa iyong pamumuhay?

Pagmamalasakit at interes sa pagbabago
(Engagement, interest)

Interesado ka bang malaman ang mga bagong bagay?

Kahulugan at layunin ng buhay
(Meaning, purpose)

Kapaki-pakinabang ba ang ginagawa mo?

Pagpapahalaga sa sarili (Self-esteem)

Kanais-nais ba ang tingin mo sa iyong sarili?

Optimism

Umaasa ka ba sa mabuting kinabukasan?

Resilience

Natitiis mo ba ang mga pagsusubok sa buhay?,

Mga Positibong Relasyon (Positive Relationships)

May mga tao ba na tunay na nagmamalasakit para sa iyo?

Nagsurbey ng mahigit na 2,000 tao sa 23 na bansa sa EU at ang resulta ay ang Denmark ang may pinakataas na share ng populasyon na mariwasa (33%), sinusundan ng Inglatera (18%) at ang Russia ang may pinakamaliit na share (6%).

Ano nga ba ang relasyon nito sa ekonomiya o pamumuhay ng tao sa isang bansa? Si G. Daniel Kahneman, isang psychologist sa Princeton University ay nagkamit ng Nobel Prize sa Eonomics noong 2002 para sa kanyang pag-aaral sa prospect theory na inaaplay ang mga konsepto ng psychology sa “risk at real-life decisions that lead to well-being”. Hanggang ngayon ay maraming mga research tungkol sa “well-being and happiness” at ang relasyon nito sa kaunlaran at ekonomiya. Maraming nagtatanong kung ang gross domestic product (GDP) ay sapat na panukat ng kaunlaran ng isang bansa: “Ano ang ibig sabihin ng kasaganaan?” “Para saan nga ba ang kayamanan o wealth?” Ayon kay Seligman ang layunin ng kaunlaran o pagyaman ay di para maghanap ng paraan upang magpayaman muli ngunit upang makaranas ang mga tao sa bansa ng mariwasang pamumuhay.

Praktis ng Positive Psychology

Ang layunin ng positive psychology ay para mag-flourish o maging mariwasa ang buhay ng tao. Maraming mga exercises na nirerekomenda si Seligman sa kanyang libro at kabilang dito ang: (a) gratitude visit (b) three-good-things exercise

  1. Bumisita sa isang tao upang magpasalamat

Ang layunin ng activity na ito ay upang maranasan ang taos-pusong pagpapahayag ng pasasalamat. Mag-isip ng isang taong di mo pa napapasalamatan ng sapat para sa kanyang pagtulong o impluwensiya na mapabuti ang iyong buhay. Kailangang buhay pa siya at maaring makipagkita face-to-face sa kanya sa pagitan ng isang linggo. Magsulat ng liham ng pasasalamat (mga 300 words sa haba) at ihatid ito ng personal. Ipaliwanag ng husto sa liham kung paano naapektuhan ng taong ito ang iyong buhay. Isulat mo kung ano ang kalagayan mo sa buhay at ang mga ginagawa mo ngayon at ipaalam mo sa kanya na palagi mong naaalala ang mga sinabi o ginawa niya para sa iyo.

Gumawa ka ng appointment upang makipagkita sa kanya. Mas mabuti kung masosorpresa mo siya sa pakay ng iyong pagbisita sa kanya. Sa araw ng inyong pagkikita, marahan at taos-pusong basahin ang iyong liham. At kung may mga katanungan siya, pakiusapan mo siya na hintayin kang matapos bago niyo pagdiskusyunan ang mga nilalaman ng liham at iyong dadamin para sa isa’t-isa.

Tinitiyak ni Seligman na pag ginawa mo ito, “you will be happier and less depressed one month from now.” (Seligman, 2011, p. 31)

  1. Araw-araw sumulat ng tatlong mabubuting bagay na nangyari sa loob ng isang linggo

Maraming nagtatanong kay Seligman kung maaaring turuan ang tao mamuhay ng mariwasa. Ayon kay Seligman, may Positive Psycology Program siyang nilikha sa University of Pennsylvania upang turuan ang mga kabataan tungkol sa well-being o kariwasahan. Isang exercise ay ang pagsusulat araw-araw ng tatlong mabubuting bagay na nangyari sa loob ng isang linggo. Sa bawat pangyayari na ito, sagutin ang mga katanungan: (a) Bakit ito nangyari? (b) Ano ang kabuluhan nito para sa akin? (k) Maari ba itong mangyari uli? Paano ko mapaparami ang mga mabubuting pagkakataon na tulad nito sa susunod?

Ayon kay Seligman ang pagpraktis ng positive psychology ay napapabuti ang pamumuhay ng tao sa pamamagitan ng pagpapatibay ng pagkatao (character strengths) tulad ng pagiging tapat (honest, loyal), matiyaga (persevering), malikhain (creative), mabuti (kind), marunong (wise), malakas ang loob (courageous), makatarungan (fair) atbp. Ilan sa mga naging resulta ng programa ni Seligman ay ang paglinang ng pagnanasang matuto at makalikha ng bago (love for learning and creativity) at napabuti rin ang mga social skills ng mga estudyante tulad ng empathy, cooperation, assertiveness, self-control na natutunan ng mga bata sa pakikipaghalubilo sa isa’t-isa.

Ang mga ito ay ilan lamang sa mga gabay sa paggawa ng mga desisyon upang mapabuti at maging mariwasa ang ating pamumuhay ayon kay Seligman. Sana naman ay maging mariwasa ang 2012 para sa ating lahat na naninirahan dito sa Japan at para sa ating mga pamilya sa Pilipinas.

(Mga sipi ay mula kay: Seligman, Martin F. P. Flourish. Free Press Books, New York, 2011).

    







No comments:

Post a Comment