Thursday, May 10, 2012

Doc Gino’s Pisngi Ng Langit

 Doc Gino’s Pisngi Ng Langit

Sa kolum na ito, ating tatalakayin ang mga pang-araw-araw na karamdaman na maaaring dumapo kanino man. Nasa inyong pagpapasiya kung nais ninyong sundin ang payo ng inyong abang lingkod. Bisitahin ang kanyang blog site: http://doctorsronline.blogspot.com/

Mga Tanong Ukol sa Pagkabaog
(Questions About Infertility)

Tanong (T): Doc Gino, magandang araw po sa inyo. ako po ay 32 y/o na ang aking asawa ay 33 y/o. kami po ay halos 10 years ng kasal pero sa hanggang ngayon po ay hindi pa kami binibiyayaan ng anak. regular po ang mens, kaya lang palagi pong advance ng 1 week, monthly po yun. ang work ko po ay sa office ganun din po ang asawa ko..hihingi lang po sana ako ng payo o opinion kung papano po ako magbubuntis. gustong gusto na po talaga naming magka anak.
Doc G (DG): Mas mainam kung ikaw at ang iyong asawa ay magpasuri pareho. Nangangailangan ka ng isang gynecologist upang malaman ang sanhi ng infertility. Ang iyong asawa naman ang kailangan ng isang urologist upang masuri ang kanyang semilya.

T: Katulad din po nila ako, nais ng magka-baby, ako po ay 31 y/o at ang aking asawa nman ay 31 y/o din, we’re married for 4 years na po, regular nman po ang monthly period ko, computershop ang business namin for 2 years, dalawa kaming nagma-manage nito ngayon, dati pong welder ang asawa ko abroad for 6 years, maari po bang sanhi rin ito ng hindi kaagad namin pagkakaroon ng baby? nagkonsulta n rin po ako sa OB, sabi po mag hintay-hintay lng po kami, anu po bang VITAMINS ang maipapayo mo sa aming mag-asawa, para tumaas ang chance na magka- baby na kami, Maraming salamat po, & more power.
DG: Kung sa iyo ay walang problema ayon sa iyong gynecologist, maaaring sa iyong asawa ang sanhi ng hindi mo pagdadalang tao. Ipakonsulta ang iyong asawa sa espesyalista sa ari ng mga lalaki o "urologist." Susuriin ang kanyang ari at semilya upang malaman kung dito nagmumula ang problema. Ang pagkain ng wasto, maraming gulay at sapat na karne ay hindi kayang tumbasan ng mga vitamins.

T: hi po dr. gino ask ku lang po kung pwede magbuntis ang may sakit na mayoma at anung edad po ang pwedeng dapuan nito? nakakahawa po ba ang mayoma o namamana? may pinsan po kasi ako madali lang xa mabuntis pero pag dating po ng 6 months lagi xa nakukunan sabi po ng doctor na pinagkukunsultahan nya dahilan daw po un ng sakit nya na mayoma tulad po ngayon nakunan po ulit pero 1 month na po na wala tigil menstruation nya, maari po ba xa magka-anak? sana po masagot nyo salamat po and more power...
DG: Ang "mayoma" ay bukol sa matres o bahay bata. Ito ay nangyayari sa 60% ng mga kababaihan at hindi nakakahawa o namamana. Kapag lumaki ito, maaaring maging sanhi ng problema sa regla, pagkabaog o parating nakukunan. Ang pagsusuri ng isang "gynecologist" ay makakatulong upang ito at masolusyonan, at nang makapagdalang-tao.

T: hi doc, gaya po ng tanung nila dahil kami din po ng asawa ko hindi nabibiyayaan ng anak almost 3yrs. na po kaming live-in at 25 y/o n po ako at ang asawa ko nmn po ay 30 y/o iregular po ang mens ko at last 2008 na-diagnose po n my polysystic ako. ang asawa ko nmn po last feb. 2010 nag-take ng radiation for his hyper thyroidism. tanung ko lang po kung malabong magka-anak pa po kami? maraming salamat po doc.
DG: Hindi naman lahat ng may "polycystic ovarian syndrome" (PCOS) at nag "radiation therapy" ay hindi nagkaka-anak. Mas mainam kung ikaw ay magpasuri sa isang "gynecologist" at ang iyong asawa naman ay magpasuri sa isang "urologist" upang makita kung ano ang dahilan ng inyong "infertility." Kung ang mga ito ay malalaman at maitatama sa pamamagitan ng tamang lunas, may tsansa na ikaw ay magdalang-tao na.

No comments:

Post a Comment