JACK'S TIPS by Jackie Murphy

Jack’s TIPS

by Jackie Murphy

Paraan Para Lalung Ma-in-Love Siya Sa ‘Yo!

Ngayong tapos na ang pasko at mahabang pagsasalo-salo ng mga magkakapamilya at mga magkakaibigan, paano mo naman ngayon haharapin para mas mapagbigyan ng solong pansin ang iyong minamahal na kabiyak?

Walang mahirap gawin kung mag-e-effort ka lang. At para sa mga taong mahal natin upang lalong mapalapit ang puso mo sa kanya kailangang alamin mo rin kung paano siya i-please. Marami sa mga kababaihan mas mahalaga ang mga materyal na bagay para kainggitan pero para sa mga kalalakihan, simple lang ang pangangaila-ngan. Mas gusto nila ang mas may karagdagang effort at atensyon. Narito ang 10 simpleng paraan para lalo silang mapalapit sa puso mo:

1. Mag-ayos kung kasama siya sa public places.

Gusto ng mga guys na iparada ang kanilang mga ladies. Hindi kailangan ng sobrang make up. Yun tipong hawakan mo siya sa braso, maging confident sa sarili at magkaroon ng maaliwalas na ngiti.

2. Kaibiganin at barkadahin mo siya. Hindi sa lahat ng oras gusto ng guys ang sobrang romantiko o sobrang nakapulupot. Kaya mas madalas para maiba naman mas gusto nila sariling barkada na mag-inuman ng beer kesa makipag-kampai sa wine glass mo. Sa madali't sabi, subukan mong alamin kung ano ang mga hilig niya at ng kanyang mga kaibigan - hindi mo man masyadong gusto pero to make him special, gagawin mo yun para sa kanya.

3. Hingin mo ang kanyang payo.

Kahit di mo masyadong kailangan ang advice niya sa ibang bagay subukan mo siyang kunsultahin dahil nakakadagdag yan sa kanyang ego. Sobrang gusto nila yan kung nangangailangan ka ng tulong. Puwedeng tulong emosyonal o kaya'y tulong para ayusin ang sirang tubo. Minsan kailangang maramdaman nila na sila ang natatakbuhan mo minsan o tuwing may problema.

4. Magbigay at magsabi pero huwag sobrahan ang compliments.

Batiin mo siya sa kanyang magandang pananamit at bagong gupit. Mainam na gawin ito nang madalas at huwag sobrahan nang di magmistulang pang-uuto o pambobola.

5. Batiin siya sa kanyang magandang pag-uugali sa harap ng kanyang pamilya.

Isa na marahil ito sa pinakamahalaga sa kanya. Karamihan sa mga kalalakihan ay humihingi ng pagsang-ayon ng kanilang pamilya pagdating sa kanilang nagawa.

6. Ihanda siya ng masarap na almusal. Imbes na ordinaryong itlog at tinapay bakit di mo subukang maghanda ng masarap na hotcake w/ maple syrup ngayong weekend? Mga maliliit na bagay kagaya nito ay nakakapag-pasaya sa kanya upang lalong mapalapit ka sa kanya dahil napapataba mo ang kanyang puso.

7. Sorpresahin siya.

Sa araw-araw na bahay-trabaho bahay-trabahong routine ay maaaring maka-bore sa buhay-pag-ibig. Hindi ito magagamot kung hindi pag-uukulan ng pansin. Mag-alay ng bulaklak o maghanda ng masarap na inumin o di kaya'y sopresahin siya ng isang pelikulang pareho ninyong mapapanood sa home theater dagdagan pa ng bucketful of popcorn.

8. Bigyan siya ng suwabeng masahe.

Di naman kailangang ikaw mismo ang magmasahe kung di ka masyadong magaling sa larangan na ito. Maari rin namang bigyan siya ng gift certificate para sa isang spa therapy session. Nang sa gayon ay lalo niyang ma-appreciate na pinapahalagahan mo ang kanyang kapakanan para makapag-relax paminsan-minsan. Kung mapansin mong sobra siyang pagod sa isang pagkakataon bigyan siya ng suwabeng aromatic massage at pansinin ang kanyang kakaibang energy.

9. Maging interesado sa kanyang mga leisure activities o hobbies.

Ipadama sa kanyang sinusuportahan at napapahalagahan mo ang mga nagpapasaya sa kanya. Puwedeng makinig ka sa uri ng kantang paborito niya o maki-jamming sa tugtog na nakahiligan niya, mga sports na sinusubaybayan niya o di kaya'y mga librong kanyang binabasa. I-update ang sarili sa kanyang mga bago pang makakahiligan.

10. Ipagtanggol mo siya.

Mas madalas mga kalalakihan ang siyang nagtatanggol at pumuprotekta sa mga kababaihan ngunit kailangang maramdaman din nila na ipinagtatanggol din sila. Kung may marinig kang sinisisi siya, sinisiraan siya o kaya'y binabastos siya, pagkakataon mo nang ipagtanggol siya sa mga tumutuligsa sa kanya. Makakadagdag ito sa respeto niya sa iyo.

Maraming mga bagay ang puwede nating gawin para sa ating mga minamahal na mister at boyfriend. Ipadamang mahalaga siya sa iyo. At sa simula pa lang nang taon nawa'y lalo pang tumibay ang tunay na pagmamahalan at samahan na laging minimithi.

A PROSPEROUS AND A BLESSED NEW YEAR TO ONE AND ALL! ....woot...woot...