Facebook by Karen Sanchez
Jeepney Press July-August 2013
Bata, matanda ay nagkakagulo
Sa chikahan, tsismisan o paglalaro
Saang sulok man ng mundo
Sa kompyuter, tablet at cellphone ay uso ito
Parang nagkaisa ang mga tao
Lahat na yata ay nag-eenjoy dito
Mabibilang mo lang ang walang account dito
Mapasimpleng tao, artista o nasa pulitiko
Ito ba'y mukha na tila isang libro
Iba-iba ang makikita mo
Hanapan rin ng nawawalang tao
Pwedeng bahagian ng problema mo
Nag-iibigan dito nagkatagpo
Pamilya ay nagkabuo-buo
Dito rin maraming manloloko
At dito mo rin sila mabibisto
Sa iba malaking tulong ito
Lalo na sa mga nagnenegosyo
Minsay sa pamilya rin ay naging perhuwisyo
At mga nag-iibigan nagkahiwalay dahil dito
Alin man ang narasan mo
Pasalamat sa nakaisip o bumuo nito
Mas marami naman ang mga positibo
Kaysa sa nangyaring negatibo.
No comments:
Post a Comment